Léttir

Mikið er ég fegin búin að senda frá mér prófið í Word.  Ég er búin að sitja við gjörsamlega í allan dag að fara yfir verkefnin frá síðustu önn gera síðasta próf og var bara orðin ansi góð í því  hefði bara viljað fá það aftur en nú er þetta frá í bili og ekkert hægt að laga það.  Þetta hefur verið mikil lærdómshelgi og óskandi að eitthvað sitji eftir þegar kemur að leikslokum.

Annars hefur allt gengið sinn vanagang sem betur fer. Það var mikið að gera í Dekkjahöllinni í gær veðurspáin var þannig að betra er að vera vel skóaður.  Það getur vel verið að það sé ekki umhverfisvænt að aka um á nagladekkjum, en það er ekki heldur umhverfisvænt að keyra einhvern niður eða liggja sjálfur úti í skurði

Um næstu helgi verður líflegt hér á Akureyri.  þá verður haldið Íslandsmót fatlaðra í boccia  dagana 2.-3. nóvember. Félagarnir í Kiwanisklúbbnum Kaldbak standa við bakið  á félögunum í Eikinni sen er umsjónaraðili mótsins og sem eiginkona stend ég við bakið á mínum manni og ætla að taka þátt í þessu líka.  Það hefur staðið yfir mikil smölun á fólki í dómaraembætti og þeir sem slógu til hafa verið í stífri þjálfun því það er sko betra að kunna reglurnar og dæma rétt.

Ég er hálf eftir mig eftir glímuna við tölvuna og ætla snemma í rúmið.  Ég sendi bestu kveðjur til allra

Athugasemdir

[Aðalheiður Kristín Rúnarsdóttir, 28.10.2007 kl. 21:15]

hæ hæ það er greinilega alltaf nog að gera hjá ykkur hjonum, sem er nú bara gott..  annars bara kikka við eins og vanalega og kvitt í leiðinni,

hafið það gott og það biðja allir að heilsa í kotið..

kveðja fra Horsens.

[Móðir, kona, sporðdreki:), 28.10.2007 kl. 22:40]

Dugnaðurinn í þér kona. Ég var mjög stolt af sjálfri mér reyndar um helgina kláraði bæði verkefnið í sál og hbf sem var reyndar létt og laggott. Best að fara og lesa aðeins í Lol fyrir svefninn sofna aldrei betur en með það fag í fanginu:) Kv Erna

[Anna Ruth Antonsdóttir, 29.10.2007 kl. 09:00]

Til lukku með Word - prófið... það er gott að vera búin með það... þetta er eitthvað svo mikil handavinna...jæja ætla að fara lesa LOLið og sálfræðina... gangi ykkur vel um helgina...:) kv Anna Ruth

[Hrafnhildur Ýr Vilbertsdóttir, 29.10.2007 kl. 20:53]

Hæ hæ er bara rétt að líta inn, bið að heilsa stúlkunum mínum þær vonandi hafa vit á því að keyra á vetrardekkjum, annars ættu þær bara að labba það er tilvalin heilsurækt, ókeypis og allt.

[Margrét Auður Óskarsdóttir, 29.10.2007 kl. 21:20]

það er aldeilis kraftur í þér,bara búin með Wordið vildi að ég gæti sagt það sama, en aldeilis ekki, eitthvað svo mikið að gera núna í öðru en það vonadi lagast! Gangi þér vel kveðja Auður

[Hulda J Friðgeirsdóttir, 2.11.2007 kl. 20:46]

Hæ hæ ég er að kíkja svona inn hjá ykkur. Glæsilegt hjá þér að klára word  prófið........  Eg er enn að rembast við exel verkefnið....  best að halda áfram að læra kær kveðja og gangi ykkur vel að læra. Hulda