Basl með Power Point

Ég er búin að sitja lon og don yfir tölvunni í morgun. Það er lygilegt hvað hefur gufað upp af því sem ég var að gera í vetur.  Ég sem hélt að þetta kæmi bara þegar ég færi að rifja þetta upp en ég sé að ég verð að leita á náðir vinkonu minnar sem er búin að læra þetta allt saman .  Hún skilur mig svo vel því hún hafði sama sjálfstraust og ég núna en hafði sig í gegnum þetta með frábærum árangri. Það er ómetanlegt að eiga góða að.

Nú er ég að fara að jarðarför.  Ein gömul vinkona mín sem bjó á Híð þar sem ég er að vinna kvaddi þetta líf í síðustu viku og nú er komið að kveðjustund.  Við kynntumst svo vel þegar ég var á næturvöktum þá spjölluðum við svo margt saman. Sumt af fólkinu sem maður kynnist á elliheimilinu verður með tímanum næstum eins og ættingjar sambandið verður það náið.

Seinnipartinn tekur síðan við að sinna húsverkunum fara í ræktina elda kvöldmatinn og því næst býst ég við að halla mér aftur að tölvunni

Bestu kveðjur til allra

Athugasemdir

[Móðir, kona, sporðdreki:), 20.9.2007 kl. 19:41]

Hæ:) Fín síða hjá þér:) Já veistu ég átti í heljar basli með power pointið í morgun en ætla að hendast í að klára það á eftir. Er með nýtt forrit og nýja tölvu og skil ekkert:) Gangi okkur samt endalaust vel og pirrum okkur bara temmilega á þessu öllu saman:)

Kv Erna H 

[Anna Ruth Antonsdóttir, 22.9.2007 kl. 19:40]

Hæ hæ...  Flott síðan þín... Já þetta með power pointið það er ótrúlega tímafrekt...og mikil vinna....ég er fegin að vera ekki með mýtt forrit eða nýja tölvu eins og Erna.. þá væri ég í djúpum skít   Tek undir með Ernu gangi okkur ótrúlega vel og já látum þetta ekki stressa okkur of mikið.... kv Anna Ruth