Árgangsgleði

Þessa helgina ætlar árgangurinn minn að hittast og rifja upp gömlu góðu dagana.  Þau duglegustu byrjuðu reyndar í gær og hittust á Vélsmiðjunni en ég var á kvöldvakt og nennti ekki að hafa mig af stað eftir það. Í dag á svo að koma saman á Iðnaðarsafnini en ég er boðin í afmæli til Öldu mágkonu minnar á sama tíma og er þar að auki nýbúin að skoða safnið, svo ég dreg það til kvöldsins að hitta fólkið.  Þá ætlum við í Sjallann ,borða og hlusta á tónlist sem vinsælust var þegar við vorum og hétum.  Það verður sem sagt gamla góða Sjallastemmningin.  Meira að segja erum við svo heppin að Erla Stefáns ætlar að syngja fyrir okkur.  Þetta verður áreiðanlega bráðskemmtilegt og gaman verður að sjá fólkið , sem suma hverja ég hef ekki hitt í mörg ár.  Það eina sem skyggir á þessa væntanlegu gleði er að Svava vinkona kemur ekki en ég ætla nú samt að reyna við hana einu sinni enn það ganga nú flugvélar á milli Akureyrar og Reykjavíkur oft á dag.

Sendi svo öllum gleðikveðjur

Athugasemdir

[tóta (IP-tala skráð) 22.9.2007 kl. 12:11]

vesen er þetta á Svövu...... vonandi, kemur hún samt (gaman fyrir ykkur báðar) og Erla Stef. bið að heilsa henni ef þú hittir á hana (er þetta ekki annars okkar gamla góða Erla?) heyrumst eftir jammið. venlig hilsen Tóta